दाङ । नेकपा माओवादी केन्द्रको भ्रातृ संगठन योङ कम्युनिष्ट लिग (वाईसीएल)को लुम्बिनी प्रदेश कमिटीको नेतृत्व चुन्न मतदान सुरू भएको छ ।
अन्य पदमा सहमति जुटे पनि अध्यक्षमा दुई जनाको दाबेदारी परेपछि केहीबेर अघिदेखि दाङको घोराहीमा मतदान सुरू भएको हो ।
अध्यक्षमा पार्टी अध्यक्ष प्रचण्ड र उपमहासचिव जमार्दन शर्मा प्रभाकरको समूह आमनेसामने भएका छन् । अध्यक्षमा प्रचण्ड समूहबाट अर्घाखाँचीका कृष्ण सारूमगर र प्रभाकरको समूहबाट हरिश गिरी चुनावी मैदानमा उत्रिएका छन् ।
वाईसीएलको लुम्बिनी प्रदेश अधिवेशनमा २७८ जना प्रतिनिधि सहभागी छन् । मत परिणाम आज राति नै सार्वजनिक गरिने वाईसीएल दाङका इन्चार्ज माइकल गुर्तालले जानकारी दिए ।
Leave a Reply