कैलाली । काठमाडौंमा ‘राष्ट्रिय दोहोरीगीत आइडल – २०८२’ हुने भएको छ । राजधानीमा पत्रकार सम्मेलनको आयोजना गरि आगामी जेष्ठ २६, २७ र २८ मा राष्ट्रिय नाचघर जमलमा दोहोरीगीत आइडल हुने जानकरी गराइएको हो ।
सांस्कृतिक समाज नेपालकले प्रतियोगिताको तयारी सुरु गरिएको जानकारी गराइएको छ ।
आयोजना हुने यस दोहोरी आइडल दोहोरी गीत प्रतियोगिता प्रिमियर लिगको पहिलो चरणको कार्यक्रम समेत भएको कार्यक्रमका संयोजक चन्द्र शर्माले जानकारी दिए । शर्माले कार्यक्रमका बारेमा जानकारी दिँदै दोहोरी प्रतियोगितामा सहभागी हुनेले एक दोहोरी साँझबाट एक( एक जना मात्रै गायक गायिकाले सहभागी हुन पाउने बताए ।
राष्ट्रिय दोहोरीगीत आइडल विजेताले ३३ हजार ३३३ नगद र मोटरसाइकल प्राप्त गर्नेछन् भने दोस्रो हुनेले २२हजार २२२ नगद सहित स्कुटर पाउनेछन् ।
सांस्कृतिक समाज नेपालका अध्यक्ष रामप्रसाद अवस्थीको नेपालमै पहिलो पटक यस्तो कार्यक्रम आयोजना हुन् लागेको जानकारी दिए ।
अवस्थीले यसअघि विभिन्न कार्यक्रमको आयोजना गर्दै आइरहेका थिए।राष्ट्रिय युवा परिषद् कला साहित्य सञ्जालको आयोजना तथा सांस्कृतिक समाज नेपालको सहकार्यमा भएको राष्ट्रिय युवा मैत्री लोक दोहोरी प्रतियोगिता २०८१ ले पनि यहाँको कला संस्कृतिलाई उजागर गर्न महत्वपूर्ण भूमिका खेलेको थियो ।
Leave a Reply