सरकारलाई विराजभक्तको सुझाव- यो शैलीबाट देश बन्दैन, अब नबिगार्दिए पुग्छ

काठमाडौं । रास्वपाका सांसद विराजभक्त श्रेष्ठले सरकारले ल्याएको नीति के हो कार्यक्रम के होरु भन्ने नै छुट्टाउन नसक्ने खालको भएको टिप्पणी गरेका छन्।

प्रतिनिधि सभाको बैठकमा बोल्दै पहिलाकै कपिपेस्ट गरेर ल्याएको भएकाले गुदी कुरा केही पनि नभएको बताए।

उनले सरकारलाई भने, ‘यो देश पुरानो शैलीबाट बन्छ भन्ने आशा छैन। नबिगार्दिए पुग्छ भन्नेमा पुगिसकेको छु। युवाहरूले आफैँ बनाउँछन्, बाधक नबने उद्यमीहरूले आफैँ काम गर्न सक्छन्।’

उनले नीति तथा कार्यक्रममा यथास्थितिको निरन्तरता भएको भन्दै सरकारलाई अर्थतन्त्रप्रति कुनै चिन्ता नै नभएजस्तो देखिएको बताए।