काठमाडौं । राप्रपाको वरिष्ठ उपाध्यक्ष रविन्द्र मिश्रलगायतका रिहाइको माग गर्दै रिले अनशन सुरु भएको छ।
राष्ट्रवादी देशभक्त जनताको आयोजनामा मिश्रको रिहाइ माग गर्दै आजदेखि ललितपुरको जावलाखेलमा रिले अनशन सुरु गरेको हो ।
उनीहरुले मिश्रको रिहाइसँगै४ बुँदे माग पनि राखेका छन् ।
मिश्रमाथि लगाइएको झुटा मुद्दा खारेज गर्नुपर्ने, रविन्द्र मिश्रलगायत सबै राष्ट्रवादी साथीहरुलाई रिहाइ गर्नुपर्ने, विधिको सुशासन कायम गर्नुपर्ने र नागरिक स्वतन्त्रता हकसहितको सम्मान गर्नुपर्नेलगायतको उनीहरुको ४ बुँदे माग छ ।
मिश्रसहितका केही राप्रपा नेताहरु गत चैत १५ गते राजावादी प्रदर्शनमा पक्राउ परेका थिए ।
Leave a Reply