काठमाडौं । नेकपा माओवादी केन्द्रका उपमहासचिव वर्षमान पुनले शिक्षकहरूको माग पूरा गर्न सरकार तयार नभएको बताएका छन् ।
प्रतिनिधि सभाको बैठकपछि सञ्चारकर्मीहरूसँग कुरा गर्दै उनले शिक्षकसँग भएको वार्ताबारे सदनलाई जानकारी दिन मन्त्रीसमेत तयार नभएको बताए ।
उनले आफूहरूले नै विधेयक सदनमा ल्याएको भन्दै अहिले आफूहरू समर्थन गर्न पनि तयार रहेको बताए। सरकारले शिक्षकहरूप्रति अनुदार मन्त्री ल्याएको आरोप लगाउँदै सार्वजनिक महत्वको प्रस्तावमा समेत छलफल गर्न तयार नभएको बताए ।
उनले भने, ‘विधेयकमा काम गरिरहेको मन्त्रीलाई राजीनामा दिन बाध्य बनाउने, झन् अनुदार मन्त्री लिएर आउने, मन्त्री संसद् र शिक्षकहरूलाई पनि फेस गर्न तयार नहुने, सरकारले शिक्षकहरूसँग वार्ता गरेर संसद्लाई पनि आश्वस्त बनाओस् ।’
सरकार निजी विद्यालय चलाउने सामुदायिक विद्यालय बन्द गर्ने, संसद् छल्ने बाहिर बोल्दै हिँड्ने, आन्दोलनरत शिक्षकसँग वार्ता गर्न तयार नहुने भएकाले यो लोकतान्त्रिक चरित्र नै नभएको जिकिर गरे ।
Leave a Reply