काठमाडौं । भारतको चर्चित म्युजिक युट्युब च्यानल ‘टी सिरिज’ले हिन्दीमा राखेको गीत १८ घण्टामा १५ लाख भन्दा धेरै पटक हेरिएको छ ।
२९२ मिलियन सब्सक्राइबर भएको ‘टी सिरिज’मा ‘उसको एक झलक…’ गीतलाई हिन्दीमा ‘उस्की एक झलक…’ गाइएको छ । अभिनयमा नायिका स्वस्तिमा खड्का र सुशान्त केसी देखाइएका छन् । गीतमा नेपालीमा इन्द्रकला राईले गाएको ‘लैजाऊ है माया…’ चैँ नेपालीमै गाइएको छ ।
‘टी सिरिज’को मुख्य च्यानलमा राखिएको प्रथम नेपाली गीतको उपमा पाएको यो गीतको नाम ‘उफ्’ दिइएको छ ।
‘टी सिरिज’मा पछिल्ला दिनहरूमा धेरै हेरिएको गीतमा पनि यही गीत बन्न पुगेको छ । नेपाली भर्जनको गीत ग्लोबल ट्रेन्डिङमा आएको थियो । छ महिना अगाडि अपलोड गरिएको बार्दली’ गीतको भिडिओलाई सात करोड बढीले हेरेका थिए ।
Leave a Reply