टि सिरिजले सार्वजनिक गर्‍यो सुशान्तको केसीको ‘बार्दली’को हिन्दी संस्करण

काठमाडौं । टि सिरिजले नेपाली गायक सुशान्त केशीको गीत ‘बार्दली’लाई हिन्दी भाषामा सार्वजनिक गरेको छ । टि सिरिजको अफिसियल युट्युब च्यानलबाट ‘बार्दली’को हिन्दी भर्सन सार्वजनिक भएको हो ।

‘उफ’ शीर्षक दिएर सार्वजनिक गरिएको भिडियोमा सुशान्त र स्वस्तिमा खड्का फिचर्ड छन् । तर, नेपाली गीतको भिडियोमा फिचर्ड भएका अन्य कलाकारलाई हिन्दी भर्सनमा देखाइएको छैन ।

गीतमा इन्द्रकला राईको नेपाली गीतलाई भने जस्ताको तस्तै राखिएको छ । नेपाली संस्करण निकै हिट भएको यो गीत युट्युबको ग्लोबल ट्रेन्डिङमा समेत गएको थियो । टि सिरिजले यसअघि पनि केही नेपाली संगीतकर्मीसँग सहकार्य गरिसकेको छ ।