काठमाडौं । भारतीय सुरक्षा फौजले मंगलबार जम्मु कश्मिरको पहलगाममा २६ जनाभन्दा बढीको ज्यान लिने आतंकवादी हमलाका तीन आशंकित व्यक्तिको स्केच सार्वजनिक गरेको छ ।
टाइम्स अफ इण्डियाका अनुसार बुधबार सुरक्षा एजेन्सीले पहिचान गरेका तीन आतंकवादीको कोड नाम मुसा, युनुस र आसिफ रहेको छ । हालसम्म २८ जनाको ज्यान गएको सो आतंकी हमलामा अधिकांश पर्यटक मारिएका थिए । सुरक्षा एजेन्सीका अनुसार पहिचान भएका आतंकी हमलावारहरूमा आसिफ शैख, सुलेमान शाह र अबु तलाह छन् ।
उनीहरू तीनैजना आतंकवादी संगठन लस्कर ए तोयबासँग आबद्ध रहेको दाबी भारतीय सुरक्षा एजेन्सीले गरेको छ । अन्य दुई आतंककारीको पहिचान भइरहेको छ । सो हमलामा नेपाली नागरिक सुदीप न्यौपानको समेत ज्यान गएको छ । उनीहरूले एके ४७ राइफल बोकेर पर्यटकको नाम सोध्दै हिन्दू पहिचान गरेर गोली हानेका थिए ।
Leave a Reply