सुर्खेत । वीरेन्द्रनगरमा फोर्स गाडीको ठक्करबाट एक पैदल यात्रीको मृत्यु भएपछि यरिचोक क्षेत्रमा तनाव सिर्जना भएको छ ।
मृतकका आफन्तहरुले उचित क्षतिपुर्ति र गाडी चालकलाई कारबाहीको माग गर्दै प्रदर्शन गरेका छन् ।
आइतबार बिहान प्रदेश ००१ ख ०९१५ नम्बरको फोर्स गाडीले जुम्लाको हिमा गाउँपालिका–२ का ५५ वर्षीय कालीबहादुर बुढालाई ठक्कर दिएको थियो ।
गम्भीर घाइते भएका बुढाको उपचारका क्रममा ज्यान गएको हो ।
मृतकका आफन्तले चालकलाई कारबाही र उचित क्षतिपूर्तिको माग गर्दै हिजो पनि रेडियो नेपाल अगाडि विरोध प्रदर्शन गरेका थिए भने सोमबार (आज) बिहानैदेखि यरिचोकमा प्रदर्शन गर्दै आएका छन् ।
उनीहरूले सडक अवरुद्ध गरेपछि सोहि सडकबाट आवतजावत गर्ने यातायात सञ्चालनमा रोक लगाउदै आएका छन् ।
प्रहरीले घटनाको अनुसन्धान गरिरहेको जनाएको छ ।
Leave a Reply