काठमाडौं । राष्ट्रिका साहित्य प्रतिष्ठान नेपालका अध्यक्ष ऋषवदेव घिमिरेले बैंककस्थित नेपाली ‘आदर्श’ पुस्तकालयलाई पुस्तक सहयोग गरेका छन् ।
थाइल्यान्डमा रहेका नेपालीभाषीको सहयोगका खातिर भाषा-साहित्यको ‘विकास, विस्तार, प्रवर्द्धन र सुधार’ का लागि भन्दै कवि-साहित्यकार घिमिरेले १७५ थान नेपाली साहित्यका पुस्तक उपलब्ध गराएका हुन्।
उनले थाई नेपाली ‘आदर्श’ पुस्तकालयका काठमाडौँस्थित प्रतिनिधिलाई नेपाली साहित्यका पुस्तक हस्तान्तरण गरे।
ललितपुर, गोदावरी निवासी साहित्यकार घिमिरेका दर्जनौं कृत्ति प्रकाशित छन् । तीमध्ये केही म्यान्माली नेपालीको जनजीवनसँगै सम्बन्धित छन् । ‘रमादेवीको कथा’ कविता बर्मेली नेपालीले अधिक रुचाएको कृति हो ।
‘म्यान्मा र थाइल्यान्डका साहित्यप्रेमीको तर्फबाट वरिष्ठ साहित्यकार ऋषवदेव घिमिरेज्यूलाई पुस्तकका लागि एउटा अनुरोध-पत्र पठाएका थियौँ । उहाँले हाम्रो आग्रहलाई सहजै स्विर्कानुभयो । पुस्तक सहयोगका लागि उहाँलाई धेरै-धेरै धन्यवाद छ,’ थाई नेपाली संघ बैंकक शाखा, शिक्षा विभाग प्रमुख ओमप्रकाश न्यौपानेले भने ।
Leave a Reply