काठमाडौं । अभिनेत्री तथा मोडल झरना रिसाल राष्ट्रिय क्यापिटल सम्मान २०८१ बाट सम्मानित भएकी छन् । राजधानी काठमाडौंमा बिहीबार एक भव्य समारोहका विच ९औँ नेशनल क्यापिटल अवार्ड अन्तर्गत राष्ट्रिय क्यापिटल सम्मान २०८१ बाट रिसाल सम्मानित भएकी हुन् ।
उक्त अवार्डबाट सम्मानित हुन पाउदाँ आफु एकदमै खुसी र उत्साहित भएको उनले बताईन । उनले भनिन्-म मेरो अभिनय र मोडलिङ्गको दशक लामो यात्रालाई सम्मानित गर्नु भएकोमा आयोजक संस्थाप्रति हार्दिक धन्यवाद व्यक्त गर्न चाहन्छु । सम्माननीय निर्णायक मण्डलप्रति कृतज्ञता व्यक्त गर्दछु, जसले मेरो कर्मप्रति विश्वास देखाउनु भयो । प्रमुख अतिथि, विशिष्ट अतिथि तथा कार्यक्रममा उपस्थित सबै महानुभावप्रति हार्दिक आभार व्यक्त गर्दछु । यो सम्मान केवल मेरो मात्र होइन, यो हरेक ती व्यक्तिको हो, जसले मेरो यात्रामा साथ, समर्थन र प्रेरणा दिनु भयो। मनको गहिराइबाट धन्यवाद ।
रिसाल सन् २०१२ देखि नेपाली चलचित्र उद्योगमा सक्रिय एक प्रतिभाशाली मोडल तथा अभिनेत्री हुन्। आफ्नो करियरको सुरुवातदेखि नै उनले फिचर फिल्म, टिभीसी, म्युजिक भिडियो लगायतका विभिन्न प्रतिष्ठित अडियो–भिजुअल परियोजनामा उत्कृष्ट अभिनय गरिसकेकी छन् ।
उनले अन्तर्राष्ट्रिय कलाकारको रूपमा अमेरिका, युरोप, र अष्ट्रेलिया जस्ता देशमा नेपालको प्रतिनिधित्व गर्दै भ्रमण समेत गरेकी छन् । यसले उनलाई राष्ट्रिय मात्र नभएर अन्तर्राष्ट्रिय स्तरमा समेत परिचित बनाएको छ ।
रिसाल नेपालमा एक चर्चित सेलिब्रिटी कलाकारको रूपमा स्थापित छन् । उनी अहिले विभिन्न नयाँ परियोजनामा व्यस्त छन् भने र शक्तिशाली भूमिकामा आफूलाई प्रस्तुत गर्दै आएकी छन् । उनले आफ्नो अभिनय यात्रा मार्फत धेरै जसो राष्ट्रिय अवार्ड जितिसकेकी छन् ।
जसमा मिडियाको पूर्ण साथ र प्रचार पाइरहेकी छन् । यही कारणले उनको कामलाई ऐतिहासिक रूपमा समेत मूल्याङ्कन गरिएको छ ।
Leave a Reply