काठमाडौं । ‘द महावीर’ले आफ्नो चलचित्रको लागि कास्टिङ कल गरेको छ । नयाँ फेस चाहिएको भन्दै निर्माण टीमले सोमबार कास्टिङ कल गरेको हो ।
निर्माण पक्षले चलचित्रमा हेरचाह गर्ने भूमिकाका लागि जनजाति फेसको ३० देखि ४० वर्ष उमेर समुहको महिला, हल्का कालो मुहारको राम्री अनि राम्रो नृत्य गर्नसक्ने २० देखि २५ वर्षकी महिला, हल्का कालो छाला भएको मिक्स जनजाति फेस देखिने १० देखि १२ वर्ष उमेरको पुरुष र ६ फिट अग्लो आर्य फेस भएको ३५ देखि ४० वर्षको पुरुष (एथलेटिक्स)का लागि कलाकार माग गरेको हो।
त्यसै गरि, ४० देखि ५० वर्षको फ्याट एन्ड लेजी लुक्स भएकी जनजाति महिला, २५ देखि ३० वर्ष उमेर समूहको फिट बडी भएको जनजाति लुक्सको पुरुष, ६ फिट अग्लो फिट २५ देखि ३० (एथलेट्स) आर्य फेस, ६० देखि ६५ वर्ष उमेरको बोल्ड एन्ड कमान्डिङ जनजाति पुरुष, गोरो छाला भएको दृष्ट र धुर्त देखिने ५० देखि ६० वर्षको आर्य फेस भएको पुरुष कलाकार र ७ देखि १० वर्ष उमेरको स्मार्ट लुकिङ आर्य फेस भएको बाल कलाकार चाहिएको निर्माणपक्षले जनाएको छ ।
अडिसनमा अनुभवी र नयाँ सबैलाई अवसर दिइने र राम्रो अभिनय गर्ने व्यक्तिले पहिलो प्राथमिकता पाउने निर्माण टिमको भनाई छ । अडिसनको पहिलो चरणमा वैशाख १ गतेदेखि ३ गतेसम्ममा १ मिनेटको भिडियो पठाइसक्नुपर्नेछ । डिजिटल अडिसनमा छनोट भएकालाई फिजिकल अडिसन लिइनेछ र दोस्रो चरणमा पनि छनोट भएकालाई फोन गरेर बोलाइनेछ ।
यो चलचित्रलाई जिबी आग्रीले निर्देशन गर्दैछन् । चलचित्रको कथा कृष्ण बिके र जिबी आग्रीले लेखेका हुन। लक्षरा फिल्सको प्रस्तुति रहने ‘द महावीर’मा कृष्ण बिके, बिआर रेड्डी, सन्तोष लुहार निर्माताको रुपमा रहनेछन् ।
रम्भा देवी र लक्ष्मण बिके सह निर्माता रहेको चलचित्रमा संगीतकार सुरेश अधिकारी कार्यकारी निर्माता छन् ।
हिन्दी र नेपाली भाषामा निर्माण हुने चलचित्रमा डल्बी एटमसको साउन्ड रहनेछ। चलचित्रको रिलिज डेट भने घोषणा गरिएको छैन ।
Leave a Reply