अशोक शर्माको ‘डबल ट्रिपल’ रिलिज मिति सर्‍यो

काठमाडौं । अशोक शर्माको निर्देशनमा बन्ने चलचित्र ‘डबल ट्रिपल’ को नयाँ प्रदर्शन मिति घोषणा गरिएको छ । यसअघि दशैँको फूलपातीमा रिलिज तोकिएकोमा अब फागुन १ गते भ्यालेन्टाइन डेको अवसरमा रिलिज हुने भएको हो ।

फेसबुकमार्फत् शर्माले ‘दसैंमा धेरै सिनेमाहरू आउने भए भरसक मिलाएर कम सिनेमा ल्याएर निर्माता साथीहरू पनि सेफ होस् भन्ने हेतुले सहमति बनाउने प्रयास गर्दा कोही पनि एक इन्च सर्न पनि तैयार भएनन् त्यसैले ‘डबल ट्रिपल’ अब २०८२ फागुन १ गते रिलिज हुनेछ ।’

यो चलचित्रमा दयाहाङ राई, खगेन्द्र लामिछाने, मिरुना मगर, केकी अधिकारी, राजाराम पौडेल, उदय सुब्बा, विल्सन विक्रम राई, माओत्से गुरुङ, बुद्धि तामाङ, रामप्रसाद खनाल तथा सुरवीर पण्डितको अभिनय छ । सिनेमाको कथा/पटकथा निर्देशक शर्माले राजेश सिटौलासँग मिलेर लेखेका हुन् ।