चलचित्र ‘ढुकढुकी’ निर्माणको घोषणा

काठमाडौं । नयाँ वर्ष २०८२ को अवसर पारेर चलचित्र ‘ढुकढुकी’ निर्माणको घोषणा गरिएको छ । ‘मोहर’ निर्माण टीमले नयाँ चलचित्र ‘ढुकढुकी’ को घोषणा गरेको हो ।

ओम प्रतिकको लेखन तथा निर्देशनमा तयार हुन लागेको यो चलचित्रलाई फिल्म मेकर प्रालिको प्रस्तुतिमा तयार गरिनेछ । चुम्बनजंग शाही निर्माता रहेको चलचित्रको छायांकन तिहारपछि सुरू हुनेछ । कलाकार पनि टुंग्याउन बाँकी छ ।

यसअघि विनोद मानन्धरले निर्माण गरेको ढुकढुकीको पटकथा तथा संवाद ओम प्रतिकले लेखेका थिए । अब, ओम आफैँ चलचित्र बनाउन अघि सरेका हुन् । ओमको निर्देशन तथा चुम्बन जंगले नि्माण गरेको ‘मोहर’ भने साउन २३ बाट रिलिज हुँदैछ ।