यू-१९ विश्वकप एसिया छनोट खेल्ने नेपाली टोलीको घोषणा

काठमाडौं । घरेलु मैदानमा हुने यू-१९ विश्वकप एसिया छनोट खेल्ने नेपाली टोलीको घोषणा भएको छ । नेपाल क्रिकेट संघ (क्यान)ले नरेन भट्टको कप्तानीमा १४ सदस्यीय टोलीको घोषणा गरेको हो ।

यू-१९ विश्वकप एसिया छनोटका खेल अप्रिल १३ देखि १९ सम्म मूलपानी क्रिकेट मैदानमा हुनेछ । छनोटमा पहिलो खेल नेपालले अप्रिल १३ मा यूएईसँग खेल्नेछ । दोस्रो खेल ओमनसँग अप्रिल १४, हङकङसँग अप्रिल १६ र अफगानिस्तानसँग अप्रिल १९ मा खेल्नेछ ।

छनोटको विजेताले सन् २०२६ मा जिम्बावे र नामिबियामा हुने यू-१९ विश्वकप क्रिकेटमा स्थान बनाउनेछ ।

नेपाली टोली

नरेन भट्ट (कप्तान), अभिषेक तिवारी, निरजकुमार यादव, शाहिल पटेल, किर्बिन श्रेष्ठ, रोहन विश्वकर्मा, दर्ष सोनार, दिल्सद अली, सन्तोष यादव, अशोक धामी, दयानन्द मण्डल, अपराजित पौडेल, युवराज खत्री र बिपीनप्रसाद शर्मा ।