राप्रपा सभामा सूचनाः बोतल जथाभावी नफ्याँक्नुस्, एकजना पत्र काट्न बसेको छ (भिडिओ)

काठमाडौं । राष्ट्रिय प्रजातन्त्र पार्टी (राप्रपा)ले आज बल्खुमा गरेको आमसभामा फोहोर नगर्न सहभागीहरुलाई अनुरोध गरिएको छ । मञ्चबाट उद्घोषकले नै यस्तो आग्रह गरेका हुन् ।

पार्टी उपाध्यक्ष रोशन कार्कीको भाषण सकिएपछि उद्घोषकले पार्टीको सन्देश सुनाएका थिए । पानीको बोतल जथाभावी नफ्याँक्न उनले सहभागीहरुलाई निर्देशित गरे ।

उनको सन्देश यस्तो थियो

‘एउटा सूचना प्राप्त भएको छ । अलिअलि गरम छ । साथीभाइहरुले पानी पिइराख्नुभएको होला । बोतललाई व्यवस्थित ढंगले राखिदिनुहोला । जथाभावी नफ्याँकिदिनु होला । फेरि एकजना पत्र काट्न तयार भएर बसेको छ । त्यो पत्र आउँछ । पानीको बोतल तपाईंले बोक्नुभएको भए पनि तपाईंको नाम थाहा नभएर राप्रपामा पत्र आउँछ । किन राप्रपालाई पत्र काट्ने बनाउनुहुन्छ ? राष्ट्रवादी कसरी कार्यक्रम गर्छन् भन्ने दृष्टान्त पनि दिनुछ ।’