प्रचण्डलाई सोझो मान्छे भन्दै ओलीलाई माधवको व्यंग्य- म त ढलें, ढलें… (भिडिओ)

काठमाडौं । नेकपा एकीकृत समाजवादीका अध्यक्ष माधव नेपालले सरकारलाई जनताको समस्यामा कुनै चासो नभएको टिप्पणी गरेका छन् ।

समाजवादी मोर्चाले काठमाडौंमा आयोजना गरेको विरोधसभालाई सम्बोधन गर्दै उनले भने, ‘सरकारलाई त गीत गाउनमात्रै मतलब छ । म त ढलें, ढलें…। अहिले हामीले ढाल्ने भनेकै छैनौं अनि किन ढलें ढलें भनेको त ? हामीले त ढालिरहेका छैनौं । मति सप्रियोस्, बुद्धि फेरियोस्, भनिरहेका छौं ।’

अध्यक्ष नेपालले केपी ओलीले प्रचण्डलाई स्वर्ग पनि, नर्क पनि सँगै जाने भनेर षड्यन्त्र गरेर हटाएको स्मरण गरे ।

उनले भने, ‘प्रचण्डजी त सोझो मान्छे, ढंग पर्नुभएछ । अनि राति स्वर्गतिर लग्लान् भनेको त राति लात्तीले हिर्काएर नर्कमा पठाइदिएछन् । त्यस्तो षड्यन्त्रकारीलाई चिन्न नसक्नु हाम्रो कमजोरी हो । मलाई पनि फकाउन आएका थिए, प्रचण्डजीको अनुहार देखेपछि विश्वास लाग्यो । मिल्नुपर्छ भन्दा त केही भ्रममा प¥यौं ।’