काठमाडौं । आज तीनकुनेमा आयोजित राजावादीको प्रदर्शनमा कथित दुर्गा प्रसाईंले फिल्मी शैली देखाएका छन् । उनी आफैंले गाडी चलाएर प्रहरीको घेरा तोडेका थिए ।
सामाजिक सञ्जालमा एउटा भिडिओ सार्वजनिक भएको छ, जसमा दुर्गा प्रसाईंले प्रदर्शनकारीको बीचबाट गाडी हुइक्याएका छन् । कालो चश्मा लगाएका र हातमा रुद्राक्ष बाँधेका प्रसाईंले झ्यालबाट हात निकालेर प्रदर्शनकारीलाई आफू पछि पछि आउन उर्दी गर्छन् ।
अलि अगाडि प्रहरीको पहिलो घेरा हुन्छ । प्रहरीले उनको गाडीलाई रोकेर चाबी थुत्न खोज्छन् । गाडीमा लाठी प्रहार पनि हुन्छ । तर, दुर्गा प्रसाईं रोकिँदैनन् ।
‘जनता मार्ने ? मा।।।’ भन्दै उनी अगाडि बढ्छन् । प्रसाईंले पेलेर लगेपछि प्रहरीको केही जोर चल्दैन । उनीहरु बाटो छोड्न बाध्य हुन्छन् । दुर्गा प्रसाईंले गाडी हुइक्याउँछन् ।
उनले गाडीभित्रै युट्यूवर बोकेर हिँडेका थिए । प्रसाईंले गाडी चलाइरहँदा युट्यूव जोशिँदै कमेन्ट्री गरिरहेका सुनिन्छन् ।
Leave a Reply