अरुण लामा निर्देशित चलचित्र ‘डोरी’को एकसाथ १० क्यारेक्टर पोस्टर सार्वजनिक

काठमाडौं । यहीँ चैत १५ गतेबाट रिलिजको तयारीमा रहेको चलचित्र ‘डोरी’का एकैपटक १० वटा ‘क्यारेक्टर पोस्टरुहरू सार्वजनिक गरिएको छ । निर्माण पक्षले चलचित्रको कथावस्तु भित्र रहेर, कलाकारहरूको भुमिकामा आधारित पोस्टरहरू तयार गरेको हो, जहाँ चलचित्रका धेरैजसो पात्रहरूको परिचय छ।

सार्वजनिक हरेक पोस्टरहरूमा ‘दोस्तीको कथा, जलनको कथा, योद्धाको कथा, डरको कथा, निराशाको कथा, लोभी साहुको कथा, तस्करीको कथा, सङ्घर्षको कथा, इमानदारीको कथा र पीडित ऋणीको कथा’गरि १० भिन्न टाइटलहरु राखिएको छ ।

यसअघि एक कलाकार वीरेन्द्र सिंह कुशवहाको भने क्यारेक्टर पोस्टर सार्वजनिक भइसकेको छ । केही दिन अघि ‘डोरी’को ‘चुच्चे ढुङ्गो’ शीर्षकको गीत सार्वजनिक गरिएको थियो। जसमा अभिनेता आर्यन सिग्देल र अभिनेत्री अञ्जना बराइलीलाई रोमान्टिक अवतारमा प्रस्तुत गरिएको थियो ।

‘डोरी’को लेखन तथा निर्देशन अरुण लामाले गरेका हुन् । चलचित्रमा अरुण आफैँले प्रमुख भूमिका निभाएका छन् भने प्रवीण खतिवडा, शिशिर बाङ्देल, प्रकाश घिमिरे, अञ्जना बराइली, राज पौडेल, कविता आले, नूतन, राज थापा, वीरेन्द्र सिंह कुशवाहा, शारदा अधिकारी, प्रेम सुब्बा, सजन श्रेष्ठ, रामबाबु रेग्मी, लगायतका कलाकारहरूको अभिनय रहेको छ ।

चलचित्रका निर्माता दिनेश भट्टराई हुन् भने कार्यकारी निर्माता राज थापा रहेका छन् । चलचित्रको स्क्रिप्ट डाक्टरमा मनोज पण्डित, मुख्य सहायक निर्देशकमा दिनेश बहादुर रावत, एक्सन निर्देशकमा राजु तामाङ, सङ्गीत निर्देशकमा राजनराज सिवाकोटी, छायाङ्कन निर्देशकमा सौरभ लामा, कला निर्देशकमा रोशन दिवाना, सम्पादकमा मिलन श्रेष्ठ र रङ्ग संयोजकमा रेनीश फागो रहेका छन् ।