गणतन्त्रवादी दललाई राप्रपा सांसदले सिंहले भने- तपाईंहरु धेरै आत्तिनुपर्दैन, सँगै मिलेर देश बनाउने हो (भिडिओ)

काठमाडौं । राप्रपाका सांसद दीपकबहादुर सिंहले पूर्वराजाको आह्वानमा जनता सडकमा उत्रिएपछि गणतन्त्रवादी दलहरु आत्तिएको टिप्पणी गरेका छन्।

प्रतिनिधि सभाको बैठकमा बोल्दै पूर्वतिर फर्किएकाहरु पनि अहिले आत्तिएर एकैठाउँमा आइपुगेको बताए।

उनले भने, ‘तपाईंहरु धेरै आत्तिनुपर्दैन। यो देश तपाईं हामीले नै मिलेर बनाउने हो। यो देशमा गणतन्त्र ल्याएको पनि तपाईंहरुले नै हो, हामीले होइन। राजाले जनताको नासो जनतालाई नै दिएर बिदा भएको त्यो दिन तपाईंहरुले पनि राम्रोसँग देख्नुभएको थियो।’

उनले सरकारमा बस्नेहरुको कुमर्मको कारणले अहिले जनताले दुख पाइरहेको आरोप लगाए।