काठमाडौं । नेकपा एकीकृत समाजवादीको स्थायी कमिटी बैठक सुरु भएको छ । काठमाडौंमा उपलब्ध स्थायी कमिटी सदस्यहरुको बैठक केन्द्रीय कार्यालय आलोकनगरमा अहिले केही बेरअघिबाट जारी छ ।
बैठकमा चैत १५ गते समाजवादी मोर्चाले गर्न लागेको वृहत् विरोध प्रर्दशनको तयारीबारे छलफल हुने प्रवक्ता प्रकाश ज्वालाले बताए । मोर्चाले राजावादीहरुलाई काउन्टर दिनको लागि काठमाडौंमा शक्ति प्रदर्शन गर्र्दैछ ।
यस्तै, चैत ५ गते केन्द्रीय आयोग, केन्द्रीय विभागका प्रमुख र उपप्रमुखहरु, केन्द्रीय सल्लाहकार परिषद र केन्द्रीय जेष्ठ कम्युनिष्ट मञ्चका सचिवालय सदस्यहरुको संयुक्त बैठकको आह्वान गरिएको छ ।
त्यस्तै चैत ६ गते काठमाडौ, ललितपुर र भक्तपुर पार्टी जिल्ला कमिटीहरुको संयुक्त बैठक, चैत ७ गते दिउँसो ३ बजे केन्द्रीय मोर्चा संगठनको बैठक, चैत ८ गते उपत्यका प्रदेश कमिटीको बैठक, चैत ९ गते पार्टी सम्पर्क प्रदेश कमिटीको बैठक पनि बोलाइएको छ ।
Leave a Reply