राष्ट्रसंघका कर्मचारीलाई अमेरिकाको प्रश्न- तपाईंको कम्युनिष्टसँग सम्बन्ध छ ?

काठमाडौं । अमेरिकाले संयुक्त राष्ट्रसंघमा काम गर्नेहरुलाई विभिन्न ३६ प्रश्न सोधेको छ । ती प्रश्नमा एक ‘तपाईंको कम्युनिष्टसँग सम्बन्ध छ’ भन्ने पनि रहेको बेलायती विश्व च्यानल बीबीसीले उल्लेख गरेको छ ।

बीबीसीका अनुसार अमेरिकाविरुद्ध विचार बोक्ने देश, विचार तथा सत्तासँग सम्बन्ध छ कि भनेर अमेरिकाले प्रश्न सोधेको छ । अमेरिकाको व्यवस्थापन तथा बजेट कार्यालयले पठाएको प्रश्नहरुको संगालोमा यी प्रश्नहरु पनि भएको बताइएको छ ।

चीन, रुस, क्युबा, इरान जस्ता देशहरुबाट सहायता नदिएको प्रमाण पनि पेस गर्न संयुक्त राष्ट्रसंघका कर्मचारीहरुलाई पठाएको पत्रमा बताइएको बीबीसीले उल्लेख गरेको छ ।

संयुक्त राष्ट्रसंघको मानव अधिकार क्षेत्रले भने अमेरिकाले पठाएको ३६ प्रश्नको फारम नभर्ने सार्वजनिक गरेको बीबीसीले उल्लेख गरेको छ ।