सरकारकै कारणले प्रतिगामी शक्तिहरुले टाउको उठाउन थालेका छन्: माधव नेपाल

काठमाडौं । नेकपा एकीकृत समाजवादीका अध्यक्ष माधव नेपालले एमाले अध्यक्ष केपी शर्मा ओली सरकारको नालायकीपनका कारण प्रतिगामी तत्त्वहरू सलबलाउन थालेको आरोप लगाएका छन् ।

पार्टी केन्द्रीय कार्यालय आलोकनगरमा जारी सचिवालय बैठकमा बोल्दै उनले व्यवस्थाको रक्षा गर्नु प्रमुख जिम्मेवारी भएको भन्दै एकताबद्ध भएर अघि बढ्न निर्देशन दिए ।

लोकतन्त्र र गणतन्त्रको रक्षा गर्नुपर्ने भन्दै उनले बैठकमा भने, ‘प्रतिगामी यथास्थितिवादीहरुले टाउको उठाउन थालेका छन् । यसलाई हामीले गम्भीर रुपमा लिएका छौँ ।’

आजै बसेको माओवादी केन्द्रको बैठकले पनि सरकारकै कारणले राजावादीहरु सक्रिय भएको निष्कर्ष निकालेको छ । माओवादीका अध्यक्ष प्रचण्डले अहिले ४ बजेको लागि समाजवादी मोर्चाको बैठकसमेत राखेका छन् ।