काठमाडौं । नेकपा एसका युवा नेता सुदेश पराजुलीले राजावादीहरुको प्रदर्शनलाई इंगित गर्दै सडक ताण्डवलाई सरकारले लाचार भएर हेरिरहेको बताएका छन् ।
लोकतन्त्रविरुद्ध नै भइरहेको पन्चर्यालीलाई हामीले मुखदर्शक भएर हेर्नु पर्ने ? भनी उनले प्रशन गरेका छन् ।
उनले सामाजिक सञ्जालमा जनआन्दोलनका क्रममा पूर्वप्रधानमन्त्री गिरिजाप्रसाद कोइराला र नेकपा एसका अध्यक्ष माधवकुमार नेपाल सडकमा बसिरहेको फोटासहित लोकतन्त्रमा बोल्न पाइने तर लोकतान्त्रिक मूल्य, मान्यता र व्यवस्थाविरुद्ध बोल्न नपाइने बताएका छन् ।
पराजुललीले गणतन्त्रजस्तो जनताको सुन्दर व्यवस्थालाई कमजोर बनाउने जुनसुकै हर्कत नियन्त्रण गर्न सरकारलाई आग्रह पनि गरेका छन् ।
‘यो सरकार कुलमान, बालेनहरुलाई अवरोध गर्छ काम गर्न दिदैन’, उनले लेखेका छन्, ‘यो सरकारको यात्रा काशी जानु कुतिको बाटो भन्ने उखान जस्तो छ । लोकतान्त्रिक गणतन्त्र जनताको बलिदानी पूर्ण संघर्षले स्थापित भएको व्यवस्था हो ।’
त्यस्तै, उनले लोकतन्त्र स्थापनामा योगदान गर्ने गिरिजा प्रसाद कोईराला, माधव कुमार नेपाल, प्रचण्डहरुले लोकतान्त्रिक गणतन्त्र स्थापना लागि सघर्ष गर्दै गर्दा टाउकोमा डण्डा बर्साउने, टाउकोको मूल्य तोक्ने, आतङ्ककारी घोषणा गर्ने यिनै ज्ञानेन्द्र शाह, कमल थापा, तुल्सी गिरीहरु होइनन् ? भन्दै प्रश्न समेत गरेका छन् ।
Leave a Reply