काठमाडौं । आईसीसी च्याम्पियन्स ट्रफीको फाइनल प्रवेशका लागि न्यूजिल्यान्डले दक्षिण अफ्रिकालाई ३६३ रनको लक्ष्य दिएको छ ।
पाकिस्तानको गद्दाफी स्टेडियममा जारी दोस्रो सेमिफाइनलमा दक्षिण अफ्रिकाविरुद्ध टस जितेर पहिला ब्याटिङ गरेको न्यूजिल्यान्डले निर्धारित ५० ओभरमा ६ विकेट गुमाउँदै ३६२ रन बनाएको हो ।
न्यूजिल्यान्डका दुई खेलाडीले शतक प्रहार गरे । रचिन रवीन्द्र र केन विलियम्सनले शतक प्रहार गरेका हुन् । रचिन १०८ र केन १०२ रनमा आउट भए । उनीहरुले दोस्रो विकेटका लागि १६४ रनको साझेदारी गरेका थिए । ग्लेन फिलिप्स र डेरिल मिचेलले समान ४९-४९ रन बनाए ।
बलिङमा दक्षिण अफ्रिकाका लुंगी निडीले ३, कागिसो रबाडाले २ र वियन मुल्डरले एक विकेट लिए ।
यो खेलको विजेताले उपाधिका लागि भारतसँग खेल्नेछ ।
Leave a Reply