नायक सुशिल श्रेष्ठको एक्सनले भरिएको ‘आउटलः दफा २१९’को ट्रेलर सार्वजनिक (भिडिओ)

काठ्माडौं । एक्सन फिल्म ‘आउटलः दफा २१९’को एक्सन प्याक्ड ट्रेलर सार्वजनिक भएको छ । आज राजधानीमा एक कार्यक्रमको आयोजना गरी चलचित्रको ट्रेलर सार्वजनिक गरिएको हो ।

ट्रेलरमा सुशिल श्रेष्ठको एक्सन देख्न सकिन्छ । चलचित्रको ट्रेलर हेर्दा निर्माण टिमले मेकिङ, कथावस्तु र एक्सनमा राम्रो मेहेनत गरेका छन् । चलचित्रमा नायक सुशिल श्रेष्ठलाई ‘एक्सन स्टार’मा रुपमा प्रस्तुत गरिएको छ ।

विक्की महर्जनको लेखन तथा निर्देशनमा तयार भएको यो चलचित्रमा अमित अग्रहरि र नीशा गुइडेको लगानी छ । चलचित्रमा विक्की महर्जन र विनोद कठायतको पटकथा, नविन गुरुङको डीओपी छ ।

विकास चौधरी सह–निर्माता रहेको चलचित्रका कार्यकारी निर्माता विनोद कठायत हुन् । साहिल खानको सम्पादन रहेको चलचित्रमा चुल्ठे काजीको एक्सन निर्देशन छ ।

चलचित्रमा सुशिल श्रेष्ठ, शिक्षा संग्रौला, नरेश पौडेल, सुमन भण्डारी, हेम महर्जन, सोनी लागुन, विशाल पहारी, महेश त्रिपाठी, मारिया कार्की र अयान परियारको अभिनय छ ।

चलचित्र यही फागुनको २९ गतेबाट रिलिजमा आउँदैछ ।