काठमाडौं । महाशिवरात्रिको अवसर पारेर यहीँ बुधबारदेखि देशव्यापी प्रदर्शनमा आएको चलचित्र ‘लाज शरणम्’ले घरेलु बक्सअफिसमा उत्साहजनक ओपनिङ गरेको छ ।
चलचित्रले पहिलो दिन नै देशभरबाट १ करोड १० लाख रुपैयाँको ग्रस कलेक्सन गरेको छ। नयाँ चलचित्र निर्माण टिमको लागि पहिलो दिनको यो कलेक्सन राम्रो हो।
चलचित्रका बितरक ब्यांकटेस इन्टरटेनमेन्टका मनोज राठीका अनुसार यो धेरैपछिको ब्लकबस्टर ओपनिङ हो। उनी भन्छन,’धेरै पछि यो घरेलु बक्स अफिसको एकदमै राम्रो ओपनिङ हो। त्यहीँ पनि पहिलो दिनको। अहिले पनि हलहरुमा चलचित्रको अकुपेन्सी एकदमै राम्रो छ। कति हल हाउसफुल छन। चलचित्रले अझै राम्रो व्यापार गर्छ।’
लाज शरणम्’ हिजो देखि २०० शोसहित रिलिज भएको थियो । पहिलो दिन धेरै हलहरुमा चलचित्र हाउसफुल थियो।
विहिबारको अकुपेन्सीबारे बताउँदै वितरक राठी भन्छन,’पहिलो दिन भन्दा आज अकुपेन्सी केही कम भएपनि शुक्रबार र शनिबार चलचित्र फेरि बम्पर गर्छ। सार्वजनिक बिदा भएकाले गर्दा पनि चलचित्रले राम्रो कमाइ गर्ने देखिन्छ।’
Leave a Reply