विष्णुले हटाए सामाजिक सञ्जालबाट एलिनासँगको सबै फाेटाे र भिडियो, एलिनाकोमा भने उस्तै

काठमाडौँ। विष्णु सापकोटाले गायिका एलिना चौहानको सबै फोटो र भिडियोहरु आफ्नो सामाजिक सञ्जालबाट हटाएका छन्। सम्बन्धविछेद भएपछि पनि विष्णु र एलिनाले एक अर्काको फोटो र भिडियो आफ्नो सामाजिक सञ्जालबाट हटाएका थिएनन्। विवाहको बेला खिचिएका तस्विरहरु र विवाहपछि यी दुईले सँगै मिलेर बनाएका भिडियोहरु, दुवैको टिकटक र फेसबुकमा छ्याप्छयाप्ती थिए। तर अहिले भने विष्णु सापकोटाले एलिनाको सबै तस्विर र भिडियो टिकटकबाट हटाएका छन् ।

गायिका चौहानले भने पूर्व श्रीमानसँग तस्विर र भिडियोहरु अहिलेसम्म हटाएकी छैनन् । उनको टिकटकमा अहिले पनि विष्णुसँगका भिडियो र विवाहका तस्विरहरु यथावतै छ।

गायिका एलिना चौहान र उनका श्रीमान विष्णु सापकोटाबीच कानुनीरूपममा सम्बन्धविच्छेद भइसकेको छ। एलिनाले गत माघको दोस्रो साता मुलुकी देवानी संहिता २०७४ को दफा ७५ (ग) बमोजिम सम्बन्धविच्छेदको मुद्दा दायर गरेकी थिइन्। सोही अनुसार उनीहरुको गत माघ २८ गते मंगलबार काठमाडौं जिल्ला अदालतमा सम्बन्धविच्छेदको मुद्दा टुंगो लागेको हो।

सम्बन्धविछेपछि गायिका चौहानले विष्णुलाई सम्बोधन गर्दै भावुक स्टाट्स लेखेकी थिईन्। विष्णुले भने अहिलेसम्म कुनै पनि प्रतिक्रिया दिएका छैनन् ।

झापाकी एलिना र बागलुङका विष्णुबीच गत वैशाखमा विवाह भएको थियो। केही वर्ष प्रेम सम्बन्धमा रहेपछि चौहानले अस्ट्रेलिया बस्दै आएका विष्णु सापकोटासँग विवाह गरेकी थिइन् । तर उनको वैवाहिक जीवन ९ महिनाकै टुगिंयो।