‘पाटन फेस्ट २०२५’ हुँदै, ४ चर्चित व्याण्डले प्रस्तुति दिने

काठमाडौं। यहीँ चैत्रको २३ गते नेपाल रोयल मल्टिप्रपोज प्रा।लिको एकल आयोजनामा ‘पाटन फेस्ट २०२५’ आयोजना हुने भएको छ । ललितपुरको च्यासल स्टेडियोमा आयोजना हुन लागेको यो महोत्सवमा ४ चर्चित व्याण्डहरुले आफ्नो प्रस्तुति दिने भएका छन्।

यो कार्यक्रममा प्रस्तुति दिन ४ व्याण्डमध्ये एक व्याण्ड भने फाइनल भइसकेको छ । युवापुस्तामाझ लोकप्रिय रहेको ‘जोन एण्ड द लोकल्स’ व्याण्डले आफ्नो प्रस्तुति दिने पक्का भइसकेको छ । यो व्याण्डका गायक जोन चाम्लिङ राइको ‘हावा जस्तै, के गरौं, निहिती’ लगायतका गीतहरु चर्चित छन् । यस्तै, अन्य ३ व्याण्ड पनि केही दिनमै सार्वजनिक गरिने आयोजकले बताएको छ।

दर्शकका लागी कार्यक्रममा खानेकुराका २० स्टल राखिने भएको छ । भने यो कार्यक्रममा सहभागी हुनका लागि दर्शकले खल्ती एपबाट ६ सय, एक हजार र १२ सयको टिकट खरिद गर्न सक्नेछन् । यो फेस्टले पाटनको स्थानीय पर्यटनलाई प्रोत्साहन गर्ने विश्वास आयोजकको छ । आयोजकले यो कन्सर्टमा ८ देखि १० हजार दर्शक उपस्थित हुने विश्वास राखेका छन् ।