फोर नेसन्स च्याम्पियनसिप: लेबनानको सान्त्वना जित

काठमाडौं । फोर नेसन्स कप च्याम्पियनसिप फुटबलमा लेबनानले सान्त्वना जित निकालेको छ ।

दशरथ रंगशालामा भएको आफ्नो अन्तिम खेलमा लेबनानले किर्गिस्तानमाथि २-० गोलको जित निकालेको हो । लेबनानका लागि क्रिस्टी मालोफ र म्या रोज कलिलले गोल गरे ।

प्रतियोगितामा लेबनानको पहिलो जित हो । यसअघि भएका दुवै खेलमा लेबनान पराजित भएको थियो । किर्गिस्तान भने जित बिहिन रहदै घर फर्किएको छ ।

अंकतालिकामा लेबनान तेस्रो र किर्गिस्तान अन्तिममा रहे । आजको दोस्रो खेलमा नेपालले म्यानमारको सामना गर्नेछ । उक्त खेल साँझ ६ बजेबाट सुरु हुनेछ ।