बाँदरलाई केरा खुवाउँदै एलिना लेख्छिन्- मलाई बर्बाद पारेर पनि चित्त बुझेको छैन कसैको !

काठमाडौं । गायिका एलिना चौहान आफ्ना भावनाहरु पोख्न सबैभन्दा बढी टिकटक प्रयोग गर्छिन् । पछिल्लो समय उनको जीवनका हरेक आरोह अवरोह टिकटकमा प्रतिबिम्बित हुने गरेका छन् ।

हालै मात्र श्रीमान विष्णु सापकोटासँग डिभोर्स गरेर एकल जीवनमा फर्किएकी छिन् एलिना । डिभोर्सपछि सांगीतिक क्षेत्रमा उनको व्यस्तता झन् बढिरहेको छ । उनी दिनदिनै स्टेज कार्यक्रमदेखि गीत रेकर्डिङ भ्याइहेकी हुन्छिन् ।

यता, टिकटकमा पनि एलिनाको सक्रियता घटेको छैन । पछिल्ला दिनमा उनले टिकटकमार्फत आफ्नो दैनिकीहरु देखाइरहेकी हुन्छिन् । तर, उनले आज हालेको भिडिओमा लेखेका शब्दहरुले भने उनी सामान्य मनोदशामा फर्किन नसकेको संकेत गर्छ ।

एलिनाले कतै जंगलछेउ सडकमा आफ्नो गाडी रोकेर बाँदरलाई केरा फ्याँकिरहेको भिडिओ हालेकी छन् । उक्त भिडिओको क्याप्सन भने यस्तो छः

बर्बाद भएर पनि चित्त बुझाइराछु । म बर्बाद पारेर पनि चित्त बुझेको छैन कसैको । सकेको गर अझै के के बाँकी छ । कसैले नदेखे भगवान छन् । अरुलाई बदनाम गरेर कति इज्जत कमाउछौ हेरौला नि

यी शब्दहरु कोप्रति लक्ष्यित हुन् भन्ने स्पष्ट छैन । कमेन्टमा धेरैले चाहिँ पूर्वपतिलाई नै हो कि भन्ने आशंका व्यक्त गरेका छन् ।

एकजनाको प्रतिक्रिया यस्तो छः

‘गल्ती बुढाको भए पनि सासु-ससुरा नि खराब थिए त ? उनीहरुबाट सम्झाउन सकिदैनथ्यो र ? जो जस्तो भएपनि उसलाई छोड्दिनँ, तर सुधार्छु भनेर साथ दिनु नै माया हो । त्यो नै प्रेम हो ।’

यो प्रतिक्रियामा एलिनाले जवाफ दिएकी छन्, ‘कसैको जिन्दगीमा घाँडो नबन्नु पनि माया नै होला ।’

डिभोर्सपछि एलिनाका पूर्वपति विष्णु सापकोटाको तर्फबाट भने कुनै पनि सार्वजनिक प्रतिक्रिया आएको छैन ।