युवा संघ नेपालले आयोजना गरेको खेलमा कलाकारको समूह विजयी

काठमाडौं । राजनीतिज्ञ र कलाकारबीच मैत्रीपूर्ण खेलमा कलाकारको समूह विजयी भएको छ । शुक्रबार २ बजे लैनचौर एनसेल खेलमैदानमा खेलमा कलाकारको समूह विजयी भएको हो ।

खेलमा कलाकारबाट ५ गोल र राजनीतिज्ञ समूह बाट १ गोल भएको थियो । खेलमा कलाकारबाट राजु ढकाल ले ४ र १ गोल आकाश श्रेष्ठले गरेको थिए भने राजनीतिज्ञ बाट सपना थेबेले १ गोल गरे ।

खेलमा कलाकार उक्त खेलमा राजनीतिज्ञ समूहबाट प्रदिप ज्ञवाली, विश्व प्रकाश शर्मा, भानुभक्त ढकाल, महेश बस्नेत, राजिब पहारी, क्षितिज थेबे, महेश बर्तौला, दिपशिखा, सुबोध सिर्पाली, सुहांग नेम्बांग, कृष्ण हरी केसी, पुष्प श्रेष्ठ, विनय शाहा, फुर्वा लामा, रंजु राइ, सपना थेबेलगायत थिए भने कलाकारबाट धिरेन शाक्य, बद्री पंगेनी, दिनेश डिसी, आकाश श्रेष्ठ, हरी डाँगी, राजेन्द्र खड्गी, माग्ने बुडा, सारिका केसी, लक्ष्मी आचार्य, आकाश श्रेष्ठ, राजु ढकालसहितका कलाकार थिए ।

राजनीतिज्ञ दलको समूहबाट टिम क्यापटेन क्षितिज थेबे थिए भने कलाकारबाट धिरेन शाक्य रहेका थिए ।

राष्ट्रिय युवा संघले गत बुधबार काठमाडौंमा पत्रकार सम्मेलन गर्दै तेस्रो संस्करणको केपी ओली कप फागुन ११ देखि १९ गतेसम्म काठमाडौंमा आयोजना हुने सार्बजनिक गरेको छ ।

र उक्त खेलको प्रचारको निम्ति विभिन्न समूह बनाएर खेल खेल्न लागिएको आयोजकले जनाएको छ ।

जहाँ युवा, त्यहाँ खेलकुद भन्ने मुल नाराका साथ सुरु हुने खेलमा नेपालका ए डिभिजन लिगका क्लब र विदेशी क्लबहरु सहभागी हुने अध्यक्ष क्षितिज थेवेले जानकारी दिए । प्रतियोगितामा भारत, भुटान र उजवेकिस्थानका क्लब सहभागी हुने जनाइएको छ ।

प्रतियोगिताको विजेताले १५ लाख रुपैयाँ र उपविजेताले ५ लाख रुपैयाँ प्राप्त गर्नेछन् ।

गत वर्ष सम्पन्न भएको केपी ओली कपको पहिलो र दोस्रो संस्करणको उपाधि मछिन्द्र क्लबले जितेको थियो ।

प्रतियोगीतामा ए डिभिजन, विदेशीसहित १० टोलीको सहभागिता रहने युवा संघले जनाएको छ । प्रतियोगिताको विजेताले १५ लाख ११ हजार १ सय ११, दोस्रो टोलीले ५ लाख रुपैयाँ प्राप्त गर्ने युवा संघका अध्यक्ष क्षितिज थेवेले जानकारी दिए ।

प्रतियोगिताको क्वाटरफाइनलसम्मका खेल सातदोबाटोस्थित एन्फा कम्प्लेक्समा तथा सेमिफाइनल र फाइनल त्रिपुरेश्वरस्थित दशरथ रंगशाला हुने उनले बताए ।

फुटबल जगतलाई ऊर्जा दिन निरन्तर केपी ओली कप फुटबल आयोजना गरिरहेको र प्रतियोगिताका सर्वोत्कृष्ट खेलाडीलाई १ लाख, उत्कृष्ट गोलरक्षक, उत्कृष्ट गोलकर्ता, उत्कृष्ट उदीयमान खेलाडीले समान ५० हजार रुपैयाँ प्राप्त गर्ने युवा संघको प्रबक्ता निरोज पौडेल ले जानकारी दिए।