काठमाडौं । नेपाल प्रिमियर लिग (एनपीएल) को नाममा कपीराइट दाबीसहित जोरा स्पोर्ट्स म्यानेजमेन्ट प्रालिका प्रमुख आमीर अख्तरले दायर गरेको मुद्दा उपर अदालतले नेपाल क्रिकेट संघ (क्यान) को नाममा अल्पकालीन अन्तरिम आदेश जारी गरेको छ ।
काठमाडौं जिल्ला अदालतका न्यायाधीश दीनबन्धु बरालको इजलासले करारको सर्तविपरीतका काम कारवाही नगर्नू/नगराउनू भनी अल्पकालीन अन्तरिम आदेश दिएको हो ।
नेपालमा पहिलो पटक अन्तर्राष्ट्रियस्तरको नेपाल प्रिमियर लिगका सञ्चालनकर्ता जोरा स्पोर्ट्स इन्टरटेन्मेन्ट प्रालिका का सञ्चालक आमिर अख्तरले क्यानले आफूसँग गरेको सम्झौता बाँकी रहँदै करार उल्लंघन गरी २०२४ को एनपीएल सञ्चालन गरेको भन्दै अदालतमा रिट दायर गरेका थिए ।
नेपाल प्रिमियर लिग नामको कम्पनी आफ्नो नाममा रहेको र क्यानले एनपीएल घोषणा गरेलगत्तै अख्तरले यो कम्पनी सुम्पिन भनेको विज्ञप्ति निकालेर जनाएका थिए । आफू क्रिकेटविरोधी नभएको र आफ्नो अधिकारका लागि लडिरहेको उनको प्रस्टीकरण छ ।
Leave a Reply