काठमाडौं । नेकपा माओवादी केन्द्रले पूर्व उपराष्ट्रपति नन्दबहादुर पुनलाई जिम्मेवारी दिने भएको छ । आज पार्टी अध्यक्ष पुष्पकमल दाहाल प्रचण्ड निवास खुमलटारमा बसेको बैठकलाई पुनलाई उत्पादन क्षेत्र हेर्नेगरी जिम्मेवारी दिने तयारी गरेको हो ।
आजको बैठकमा पुनलाई उत्पादन क्षेत्र हेर्नेगरी जिम्मेवारी दिने विषयमा छलफल भएको प्रवक्ता अग्निप्रसाद सापकोटाले बताए ।
उनले नेपाल प्रेससँग भने, ‘आजको बैठकमा सामान्य छलफल भएको हो। तर, निर्णय भएको छैन ।’
दुई कार्यकाल उपराष्ट्रपतिको जिम्मेवारी सम्हालेका पुन पछिल्लो समय माओवादी बैठकमा आमन्त्रित सदस्यको रुपमा सहभागी हुँदै आएका छन् । उनलाई अध्यक्ष प्रचण्डले उपाध्यक्ष बनाउने तयारी गरेका छन् ।
यद्यपी, यसबारे निर्णय नभएपनि उपाध्यक्षकै भूमिकामा बैठकमा सहभागी हुँदै आइरहेका छन् । पूर्वराष्ट्रपतिसँग राष्ट्रपति विद्या भण्डारी पनि एमालेको राजनीतिमा फर्किने तयारी गरिरहेकी छन् ।
Leave a Reply