काठमाडौं । प्रमुख प्रतिपक्षी दलका नेता पुष्पकमल दाहाल प्रचण्ड आज बसेको प्रतिनिधि सभाको बैठकमा बोल्ने तयारीमा थिए । तर, अन्तिम समयमा रोकिए ।
आज प्रधानमन्त्रीसहित सबै दलका शीर्ष नेताहरुले सम्बोधन गर्ने तय भएको छ । तर, माओवादीको तर्फबाट अन्तिम समयमा हितराज पाण्डेले बोले ।
उनले पार्टीको तर्फबाट बोल्ने आफूहरुले त्यही निर्णय गरेअनुसार आफूले बोलेको बताए । उनले नेपाल प्रेससँग भने, ‘कसले बोल्ने भन्नेबारे हामीले त्यही निर्णय गर्ने कुरा हो। त्यसैले पार्टीको तर्फबाट मैले बोलेको हुँ ।’
अर्का सांसद राजन दाहालले पनि आज अध्यक्ष प्रचण्डले बोल्ने वातावरण नभएर नबोलेको बताए ।
प्रचण्डले बोल्न तयारीका साथ गएको भएपनि सभामुखले २० मिनेटमा बोल्नेपर्ने भनेपछि नबोलेको बताइन्छ । पूर्वप्रधानमन्त्रीलाई बोल्न समय तोक्ने प्रचलन छैन ।
त्यसमा सभामुखले प्रधानमन्त्रीलाई बोल्न दिएपछि विपक्षी दलको नेतालाई बोल्न दिएर देउवालाई दिए । त्यसैले प्रचण्डले नबोलेको बताइन्छ ।
त्यसबारे सांसद दाहालले भने, ‘आज उहाँले बोल्ने वातावरण नभएर नबोल्नुभएको हो। यी कारणले होइन ।’
सदनमा शीर्ष नेताले बोल्ने कार्यसूचीबाट प्रचण्ड ब्याक भएपछि कतिपयले संसद अधिवेशनको पहिलो दिनबाटै प्रमुख विपक्षी दलको प्रस्तुति फितलो भएको टिप्पणी समेत गरेका छन् ।
Leave a Reply