काठमाडौं । त्रिकोणात्मक टि ट्वान्टी सिरिजअन्तर्गत नेदरल्याण्ड्सले नेपालसामु १५८ रनको लक्ष्य प्रस्तुत गरेको छ ।
कीर्तिपुरस्थित त्रिवि क्रिकेट मैदानमा जारी खेलमा टस हारेर ब्याटिङ गरेको नेदरल्याण्ड्सले पूरा २० ओभर खेल्दै ४ विकेट गुमाएर नेपालसामु १५८ रनको लक्ष्य प्रस्तुत गरेको हो ।
नेदरल्याण्ड्सकी रोबिनी रिज्केले अविजित ५९ रन बनाइन् । नेपालकी सिता रानामागर, ईश्वरी विष्ट, पूजा महतो र कविता कुँवरले एक एक विकेट लिए।
घरेलु टोलीको इतिहासमा नै पहिलो पटक नेपाली महिला टोलीले नेदरल्याण्ड्सको सामना गरिरहेको हो । महिला टि ट्वान्टी वरियतामा नेदरल्याण्ड्स १६औंँ स्थानमा रहँदा नेपाल भने २०औं स्थानमा छ ।
नेपालले अहिले ब्याटिङ गरिरहेकाे छ ।
Leave a Reply