काठमाडौं । नेकपा माओवादी माओवादी केन्द्र सम्वद्ध विद्यार्थी संगठन अखिल क्रान्तिकारीको नयाँ नेतृत्व चयनका लागि मतदान जारी छ। निर्धारित समयभन्दा केही समय ढिलोगरी मतदान देशैभरि सुरु भएको इन्चार्ज हिमाल शर्माले बताए।
अध्यक्षका लागि ४ जना मैदानमा छन्। उपदेश यादव, विजयप्रकाश सापकोटा, हेमन्त राई र सुदिन पौडेल प्रतिस्पर्धामा छन्।
उपत्यका विशेष प्रदेश र बागमती प्रदेशको मतदान काठमाडौंमा चलिरहेको छ भने अन्य प्रदेशको प्रदेशस्तरमै मतदान चलिरहेको छ।
निर्वाचनबाट अध्यक्ष एक, उपाध्यक्ष ९, महासचिव १, उपमहासचिव ९, सचिव १२ र कोषाध्यक्ष एक गरी ३३ पदाधिकारी निर्वाचित हुनेछन्। मतदान बेलुका ६ बजेसम्म चल्ने जनाइएको छ।
Leave a Reply