काठमाडौं । रोजगारी लागि रोजगारीमा जानेहरुको नेपाल सरकारबाट स्वीकृति नै नलिएको अस्पतालले गर्दै आएको कुरा उद्योग तथा वाणिज्य र श्रम तथा उपभोक्ता हित समितिमा कुरा उठेको छ ।
समितिले आज वैदेशिक रोजगारीमा जाने श्रमिकहरुको स्वास्थ्य परीक्षणका सम्बन्धमा नेपाल मेडिकल व्यवसायी संघसँगको छलफल गरेको थियो । सो छलफलमा अनुमति नै नलिएका स्वास्थ्य संस्थाले मेडिकल गरेको कुरा उठेको हो ।
समितिमा संसद् लालप्रसाद सावाँ लिम्बुले वैदेशिक रोजगारीमा जानेहरुको मेडिकल गर्ने इजाजत नै नलिएका अस्पताहरुले गरिरहेको बताए ।
उनले समितिमा भने, ‘इजरायलमा नेपालबाट काम गर्न जानेका लागि अनुमति नै नलिएको मेडिसिटी, मनमोहन, त्रिस्टल, हेम्स र स्टार अस्पतालले गरिरहेका छन् । कानुनले नेपाल सरकारबाट अनुमति पत्र लिएका स्वास्थ्य संस्थाले मात्रै मेडिकल गर्न पाउने भन्ने छ । तर, अनुमति नै नलिएको अस्पतालले मेडिकल गरिरहेका छन् । इजरायल जान्ने भनेको पनि वैदेशिक रोजगारीमा जाने हो । तर, अनुमति नै नलिएको संस्थाले किन मेडिकले गरिरहेका छन् ।’
नेपाल मेडिकल व्यवसायी संघका अध्यक्ष तारानाथ अर्यालले राज्यले नै सिन्डिकेट गरिरहेको बताए । उनले समितिमा भने, ‘सिन्डिकेट विरुद्ध हामी नै लागेको छौँ । वैदेशिक रोजगारीमा जानेहरुको मेडिकल गर्ने अनुमति नै नलिएका स्वास्थ्य संस्थाले मेडिक गरिरहेको छ ।’
समितिका सदस्य तथा संसद् रमा कोइराला पौडेलले नेपालबाट मेडिकल पास भएर विदेशमा गएर के कारणले मेडिकल फेल हुन्छन् भनेर प्रश्न गरिन् । उनले भनिन्, ‘मेडिकल भनेको युनिभर्सल हुनु पर्छ । नेपालमा गरेको मेडिकलले विश्वभर नै मान्यता पाउनु पर्छ । देश नै विदेशमा गएका नेपालीको रेमिट्यान्सले चलेको छ । ति नेपालीहरु माथि अन्याय गर्नु हुँदैन ।’
संसद् अमृतादेवी अग्रहरीले सिन्डिकेटको बन्द गर्नु पर्ने बताइन् । राज्यले र मन्त्रालयले यस विषयमा काम गर्नु पर्ने बताइन् ।
कृष्णकुमार श्रेष्ठले आफु श्रम मन्त्री भएको बेला सिन्डिकेट गर्न खोज्ने फाइल रोकेको बताए ।
उनले भने, ‘मैले ५ वटा अस्पतालबाट मात्रै इजरायल जाने कामदारको मेडिकल हुने विषय रोकेको थिए । तर, अहिले लागू भएछ । कसरी लागू भयो खोजौला । वैदेशिक रोजगारीमा जानका लागि मेडिकल गर्न स्वीकृत नै नलिएका अस्पतालहरुले कसरी मेडिकल गरिरहेका छन् । म मन्त्री भएको बेला इजरायलका राजदूतले भनेको ५ वटा स्वास्थ्य संस्थालाई अनुमति नदिएको कारणले अहिले मसँग बल्दैनन् ।’
Leave a Reply