‘सभापति कप’ फुटबलमा संकटाको पहिलो जित

काठमाडौं । आजदेखि सुरु भएको ‘सभापति कप’ फुटबल प्रतियोगिताको पहिलो खेलमा संकटा क्लबले चर्च ब्वाइज युनाइटेड क्लबलाई पराजित गरेको छ ।

नेपाली काँग्रेसको भ्रातृ संस्था नेपाल लोकतान्त्रिक खेलकुद संघ महाधिवेशन निर्देशन समितिको आयोजनामा त्रिपुरेश्वरस्थित दशरथ रंगशालामा भएको उक्त प्रतियोगितामा संकटाले चर्च ब्वाइजलाई ३-० ले पराजित गरेको हो ।

चर्च ब्वाइजलाई हराउँदै संकटा सेमिफाइनलमा पुगेको हो । पहिलो हाफमा एक गोल गरेको संकटाले दोस्रो हाफमा २ गोल थप्यो ।