यू-१९ महिला विश्वकप : अष्ट्रेलियाविरुद्ध कप्तान पूजाको राम्रो बलिङ

काठमाडौं । मलेसियामा जारी यू-१९ महिला विश्वकप टी-२० विश्वकपमा नेपालले अष्टे«लियाविरुद्ध मध्यम सुरुआत गरेको छ ।

मलेसियाको बांगीमा टस जितेर पहिला ब्याटिङ गरेको अष्ट्रेलियाले पहिलो पावर प्लेको खेल सकिँदा ३ विकेट गुमाएर ३३ रन जोड्यो ।

नेपालकी कप्तान पूजा महतोले एक्लैले ३ विकेट लिएकी छन् । ३ ओभर बलिङ गरेकी पूजाले १७ रन खर्चेर महत्त्वपूर्ण ३ विकेट लिइन् ।