काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड मोरङको ग्रामथान गाउँपालिकामा पुगेका छन् । ग्रामथान ५ तेतेरियामा बृहत् जनसभालाई सम्बोधन गर्न प्रचण्ड पुगेका हुन् ।
नेकपा माओवादी केन्द्र ग्रामथान गाउँपालिका समितिको आयोजनामा धन्यवाद ज्ञापन कार्यक्रम तथा खबरदारी सभा अहिले जारी छ।
गत मंसिर १६ गते भएको स्थानीय तह उपनिर्वाचनमा यो पालिकाको अध्यक्ष माओवादी केन्द्रले जितेको थियो । गत भदौ २९ गते अध्यक्ष प्रचण्डले नै ग्रामथान पुगेर पहिलो चुनावी सभालाई सम्बोधन गरेका थिए ।
२०७९ को स्थानीय तह निर्वाचनमा तेस्रो बनेको माओवादीलाई यस पटक ग्रामथानवासीले पहिलो बनाएपछि मतदातालाई धन्यवादज्ञापन गर्न अध्यक्ष प्रचण्ड दोस्रो पटक ग्रामथाम पुगेका हुन् ।
Leave a Reply