बेइजिङको नेपाली दूतावासमा मनाइयो १० ‍औं राष्ट्रिय योग दिवस

काठमाडौं । बेइजिङस्थित नेपाली दूतावासमा नेपालको १० औ राष्ट्रिय योग दिवस मनाइएको छ ।

दिवस मनाउनका लागि राजदूतावासका कूटनीतिक कर्मचारी, परिवारका सदस्यहरू एवं स्थानीय कर्मचारीहरूको उपस्थितिमा एक कार्यक्रमको आयोजना गरिएको दूतावासले बताएको छ ।

चीनका लागि नेपालका राजदूत डा. कृष्ण प्रसाद ओलीले शारीरिक र मानसिक स्वास्थ्यका लागि योगको महत्वको वारेमा प्रकाश पार्दै उपस्थित सम्पूर्ण सहभागीहरूलाई योग अभ्यास गराएका थिए भने कार्यक्रमपश्चात् सहभागीहरूले राम्रो अनुभूति भएको जनाउँदै नियमित योग अभ्यास गर्न प्रयत्न गर्ने बताएको दूतावासले जानकारी दिएको छ ।

प्रेस रिलिजमा भनिएको छ ‘आज माघ १ गते योग दिवसका साथसाथै नेपालीहरूको विशेष पर्व मकर संक्रान्ति समेत परेकाले योग कार्यक्रमको समापन पश्चात् मकर संक्रान्ति समेत मनाइयो।’