काठमाडौं । नेकपा एकीकृत समाजवादीका अध्यक्ष माधव नेपालले प्रधानमन्त्री केपी शर्मा ओली चुनावै नगरी ०८७ सम्म बस्न खोजेको टिप्पणी गरेका छन्।
सिंहदरबारमा विपक्षी दलका नेताहरुसँगको भेटपछि सञ्चारकर्मीहरुसँग कुरा प्रधानमन्त्री ओली संविधान संशोधनको मुद्दाबाट पछाडि हटेको आफूले पनि सुनेको बताए।
उनले भने, ‘०८७ सम्म बस्ने उहाँको चाहना होला। हेरौं, ०८७ सम्म चुनावै नगरिकन बस्ने होकि ? त्यसलाई पनि मान्छेले प्रश्न उठाएका छन्। संसद नै भंग गर्ने मान्छेहरु हुन्, अझै ठेलेको ठेलै गरेर अझै ६ बर्ष बसौला भन्ने सोच्नुभएको छ कि थाहा भएन।’
प्रधानमन्त्री ओलीले केन्द्रीय कमिटीको बैठकलाई सम्बोधन गर्ने क्रममा संविधान संशोधन अब ०८७ मा मात्रै हुने बताएका थिए। प्रधानमन्त्रीको यो अभिव्यक्तिपछि सत्तारुढ दल नेपाली कांग्रेस चिढिएको छ।
Leave a Reply