काठमाडौं । आउदो माघ ५ गतेदेखि मलेसियामा हुने यू-–१९ महिला विश्वकप क्रीकेट खेल्ने नेपाली टोलीको घोषणा गरिएको छ ।
नेपाल क्रीकेट संघ क्यानले चितवनमा भएको बन्द प्रशिक्षणबाट पुजा महतोको कप्तानीमा १५ सदस्यीय नेपाली टोलीको घोषणा गरेको हो ।
टोली विश्वकप खेल्न पुस २७ गते मलेसिया प्रस्थान गर्नेछ । समूह ‘डी’ मा रहेको नेपालले जनवरी १८ मा पहिलो खेल बंगलादेशसंग खेल्नेछ ।
दोस्रो खेल जनवरी २० मा स्कटल्याण्ड र तेस्रो खेल जनवरी २२ मा अष्ट्रेलियासँग खेल्नेछ ।
नेपाली टोली
पूजा महतो (कप्तान),सोनी पाख्रिन (उपकप्तान), साना प्रविन, ज्योत्सनीका मरासिनी, कुसुम गोदार, अलिशा कुमारी यादव,सावित्रा धामी, तृषना विक, किरन कुमारी कुवँर, रिया शर्मा, रचना चौधरी, सिमाना केसी, स्नेहा महरा,अनु कडायत र कृष्मा गुरुङ ।
Leave a Reply