काठमाडौं । प्रमुख प्रतिपक्षी दल नेकपा माओवादी केन्द्रले एमालेमा लोकतन्त्र समाप्त भइसकेको टिप्पणी गरेको छ। स्थायी कमिटीको बैठकपछि सञ्चारकर्मीहरुसँग कुरा गर्दै प्रवक्ता अग्नि सापकाेटाले एमालेमा निरंकुशता र तानाशाहीकरण बढ्दै गएको बताए।
उनले भने, ‘एमालेमा लोकतन्त्र करिबकरिब समाप्त भएको देखियो। व्यापारीबाट दान दिएर पार्टी कार्यालय बनाउने विषयमा बोलेबापत भीम रावललाई पार्टीबाट निष्कासन नै भयो। बिन्दा पाण्डे र उषा किरण तिम्सेनालाई ६ महिना निलम्बन गरिएको छ।’
उनले एमालेमा बोल्न मुख थुनेर शासन भइरहेको बताए।
उनले थपे, ‘उहाँहरुको पनि केन्द्रीय कमिटीको बैठक बस्दैछ। बैठकअघि नै सचिवालयले निलम्बन गरेपछि बैठकमा जान पाएनन्। यो हदसम्मको निरंकुशता र यो हदसम्मको तानाशाहीकरण हर्कतले पहिलो र दोस्रो ठूलो पार्टी मिलेर बनेको सरकार त जान्छ जान्छ। तर, देश भयानक संकटको भुमरीमा पर्दैछ।’
Leave a Reply