संविधान संशोधनलाई गठबन्धनको राजनीतिक एजेण्डा बनाइन हुँदैन: मनिष झा

काठमाडौं । राष्ट्रिय स्वतन्त्र पार्टीका प्रवक्ता मनिष झाले संविधान संशोधन गठबन्धनको राजनीतिक एजेण्डा मात्रै हुन नहुने बताएका छन्।

संविधान संशोधनबारे अन्तक्रिया कार्यक्रमलाई सम्बोधन गर्र्दै अग्रगामी सोचका साथमा संविधान संशोधनका लागि आफूहरु पनि तयार रहेको बताए।

उनले भने, हामीले पत्रकार महासंघको निर्वाचन हेर्यौँ, पत्रकारहरु पनि राजनीतिक दलको झण्डाभित्र, दलीयकरण यति धेरै भइसकेको छ। राजनीतिकरण राम्रो हो। संविधान बनाउँदै गर्दा हामीले त्यो उदारता र त्यागलाई पनि सम्झिनुपर्छ। सम्माननिय पदमा भइसकेको व्यक्ति फेरि सक्रिय राजनीतिमा आउनु हुँदैन भन्ने कुरामा हामी तयार छौं, अरु पनि तयार हो त ?

पूर्वराष्ट्रपति विद्या भण्डारी र पूर्वउपराष्ट्रपति नन्दबहादुर पुन सक्रिय राजनीतिमा आउने तयारी गरेकोप्रति लक्षित गर्दै यसबारेमा सोच्नुपर्ने बताए।