काठमाडौं । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले सरसकारले रास्वपाका सभापति रवि लामिछाने, पूर्वडीआईजी छविलाल बन्जाडे जोशी र व्यवसायी दुर्गा प्रसाईँलाई अनावश्यक तनाव दिने काम गरेको बताएका छन्।
निर्दोष वा दोषी फैसला अदालत गर्ने भन्दै अनावश्यक ढंगबाट अनुसन्धान लम्ब्याउने र नयाँ नयाँ आरोप थप्दै लानाले सरकारको नियतमाथि प्रश्न खडाएको उनको भनाइ छ।
उनले फेसबुकमा लेखेका छन्, ‘रवि, छवि, दुर्गा प्रहरी अनुसन्धानमा छन्। निर्दोष वा दोषी फैसला अदालत र कानुनले गर्छ। मेरो कुनै टिप्पणी छैन। अपराधीले उन्मुक्ति पाउनु हुँदैन। तर, अनावश्यक ढंगबाट अनुसन्धान लम्ब्याउने, नयाँ नयाँ आरोप थप्दै लाने र एकप्रकारले मानसिक तनाव दिने कामबाट सरकारको नियत माथि प्रश्न खडाभएको छ।’
यथाशिघ्र अनुसन्धान टुंगाई अदालतमा बुझाउन आग्रह गरेका छन्।
Leave a Reply