काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले कीर्तिपुरमा पार्टीले अघि सारेको उम्मेदवार डा. शिवशरण महर्जन सबैको साझा भइसकेको दाबी गरेका छन्।
कीर्तिपुरमा आयोजित चुनावी सभालाई सम्बोधन गर्दै कीर्तिपुरले यसपटक इतिहास रच्ने बताए।
उनले भने, ‘उहाँलाई एकीकृत समाजवादी, जसपा, विप्लवजीको, मोहन वैद्यसहित पार्टीको समर्थन प्राप्त भइसकेको छ। राजनीतिक रुपमा पनि साझा उम्मेदवार बन्नुभएको छ। कीर्तिपूरवासीले पनि कीर्तिपूरलाई बद्ल्ने अठोट गरेको उम्मेृदवार पाएको छ।’
उनले कीर्तिपुरलाई बदलेर भ्रष्टाचारमुक्त बनाउने प्रतिबद्धतामा पार्टीले कुनै हस्तक्षेप नगर्ने बताए। निर्वाचित भएपछि आफूले पाउने सेवा सुविधा पनि नगरकै विकासमा खर्च गर्ने घोषणा गर्ने पहिलो उम्मेदवार भएको जिकिर गरे।
Leave a Reply