काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले नेपाल यातायात व्यवसायी राष्ट्रिय महासङ्घका अध्यक्ष लगायतका पदाधिकारी र यातायात क्षेत्र सम्बद्ध तीनवटा ट्रेड युनियनका अध्यक्ष तथा पदाधिकारीसङ्ग संयुक्त छलफल गरेका छन् । आफ्नै निवास खुमलटारमा बोलाएर प्रचण्डले समस्याबारे जानकारी लिएका हुन् ।
प्रचण्ड सरकारको पालामा यातायात क्षेत्रको सुधारको विस्तृत प्रतिवेदन तयार भएको तर सरकार फेरबदलले त्यसको कार्यान्वयन ढिला हुँदा आफूहरूलाई निराश बनाएको व्यवसायीले बताएका थिए ।
केही दिन पहिलेको बाढी पहिरो र डुबानबाट सडक यातायातको क्षेत्रको अवस्था, यातायात व्यवसायी र मजदुरले व्यहोर्नु परेको जनधनको क्षतिबारे सरकारलाई ध्यानाकर्षण गराउने प्रचण्डले प्रतिवद्धता जनाए ।
छलफलमा नेपाल यातायात व्यवसायी राष्ट्रिय महासङ्घका अध्यक्ष विजय स्वार, वरिष्ठ उपाध्यक्ष सरोज सिटौला, अखिल नेपाल यातायात मजदुर सङ्घका अध्यक्ष दीपक केसी, नेपाल यातायात मजदुर सङ्घका धर्म भण्डारी, नेपाल यातायात स्वतन्त्र मजदुर सङ्गठनका भीम ज्वाला राईलगायत सहभागी थिए ।
Leave a Reply