काठमाडौं । अखिल क्रान्तिकारीको राष्ट्रिय सम्मेलनको बन्दसत्रमा विधानमाथि छलफलको तयारी छ ।
आज बन्दसत्रमा विधान र प्रतिवेदन पेस भएपछि समूहगत छलफल हुने र भोलि निष्कर्ष पेस गर्ने उपाध्यक्ष केशव रावलले बताए । समूहगत छलफलपछि प्रतिनिधिहरूको अन्तिम नामावली सार्वजनिक गरेर निर्वाचन प्रक्रिया सुरू गर्ने तयारी छ । असोज १४ गते बिहान ८ बजेदेखि मतदान गर्ने तयारी छ ।
अध्यक्षमा पवन कार्की, नरेश रेग्मी, सूर्यनारायण साह, नारायण खनाल, गजेन्द्र देव, क्षितिज सापकोटा, मदन भट्टराई, अमरंजंश शाही, केशव रावल, जिपी मैनाली, इन्द्र भुसाल, मिलन एमसी, तुकमान महरा, लक्ष्मी जोशी, प्रविणा अधिकारी, मदन भुल र महासचिव दिपेश पुनलगायतले आकांक्षी देखिएका छन् ।
हिजो सम्मेलनको उद्घाटन गर्दै अध्यक्ष प्रचण्डले सहमति नभए स्वच्छ ढंगले निर्वाचनमा गएर नेतृत्व छान्न निर्देशन दिइसकेका छन् । उनले आफूले कसैलाई समर्थन नगरेको प्रष्ट पार्दै कुनै नेताहरूले पनि गुटबन्दी गर्न नपाइने बताएका छन् ।
Leave a Reply